انا اللى كسرت ببان الخوف
وكتبت بصوتى كلام وحروف
انا اللى لقيت ف العتمة نور
خلى لعينى فرصة تشوف
انا اللى الحرية اسمى
وصوتى فى كل مكان بيطوف
انا اللى هديت جبل السكوت
لاهمنى شده ولاظروف
انا اللى مبدأئ الكرامة
وكرامتى ف وش الظلم وقوف
انا العدل والأنسانية
لا تعلى فوقى اى انوف
انا اللى صوتى خلانى اسد
بعد ماكنت ف سكوتى خروف
انا اللى كلمتى ورأيى
ميقتلهمش موت وسيوف
انا اللى صوتى بيعلى
راح وانتهى زمن الكسوف
انا اللى صدى كلامى
بيرددو شعوب والوف
* * *