السلام عليكم و رحمة الله و بركاته
بسم الله الرحمن الرحيم
كلنا عشنا في أحلامنا بإن ثورة 25 يناير تنجح وحياتنا تتغير زي ما كنا بنحلم
وللأسف محصلش ممكن يكون حصل تغيير سياسي ولسه بيحصل لكن التغيير الحقيقي في سلوكياتنا ومعاملاتنا محصلش بالعكس يمكن رجعنا لورا
لسه أغلبنا تعبان ومتضايق وعنده اكتئاب
لسه سلوكياتنا مع بعض زي ماهي
وكل ده بسبب إن بعدنا عن تعاليم وسماحة الإسلام وعظمته
قال الله تعالى :(ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ)
[size=24]وقال تعالى : ( [/size][size=24] وَمَا أَصَابَكُمْ مِنْ مُصِيبَة فَبِمَا كَسَبَتْ أَيْدِيكُمْ وَيَعْفُو عَنْ كَثِير )
[/size]
يقول محمد عبده عن أهل الغرب بعد ان عاد من زيارة ديارهم: «وجدت هناك اسلاما بلا مسلمين، وأجد هنا مسلمين بلا اسلام»، أي انه وجد فيهم أخلاق الاسلام مع انهم غير مسلمين، ولا يجد فينا اخلاق الاسلام مع اننا مسلمون.
إحنا لو جبنا تعاملات المسلمين مع بعض وصفيناها بمصفاة الشرع مفيش حاجة هتنزل منها خالص إلا من رحم ربي
عن أبي هريرة قال: قال رجل يا رسول الله ان فلانة فذكر من كثرة صلاتها وصدقتها وصيامها غير أنها تؤذي جيرانها بلسانها قال هي في النار قال يارسول الله فان فلانة فذكر من قلة صيامها وصلاتها وأنها تصدق بالاثوار من الاقط ولا تؤذي بلسانها جيرانها قال هي في الجنة. رواه أحمد والبزار ورجاله ثقات.
وكمان كلنا عارفين حديث المفلس
قال رسول الله صل الله عليه وسلم: أتدرون من المفلس ؟ قالوا:المفلس فينا من لا درهم لهولا متاع , قال صل الله عليه وسلم : إن المفلس من أمتي من يأتي يومالقيامة بصلاة وصيام وزكاة , ويأتي وقد شتم هذا ,وقذف هذا , وأكل مال هذا , وسفك دم هذا , وضرب هذا , فيعطي هذا من حسناته وهذا من حسناته فإن فنيتحسناته من قبل أن يقضي ما عليه أخذ من خطاياهم فطرحت عليه ثم طرح في النار ) .. (رواه مسلم)
ومن هذا المنطلق
حملتنا دعوة لعمل ثورة حقيقة على النفوس
ثورة نحرر فيها نفوسنا
ونبدأ حياة جديدة قائمة على تعاليم الإسلام الحق
وهنحاول فيها مع بعض إننا نطبق ما كان الرسول صل الله عليه وسلم
كان قرءانا يمشي على الأرض
و تعيد في الأذهان الصورة اللي الصحابة كانوا عايشين عليها
عايزين نبقى مسلمين بجد
ولو نفسك تعرف أمور دينك لكن المذاكرة او الوظيفة واخدين وقتك
أو حاسس إن العمر بيجري منك ونفسك تعرف إيه الطاعات اللي ممكن تعملها علشان ترضي ربنا سبحانه وتعالى وتفوز بصحبة نبيه صل الله عليه وسلم ؟
أو عايز تبدئ صفحة جديدة في حياتك وتعوض اللي فات من عمرك
ان شاء الله نساعد بعض و نقدر باذن الله
ها مين هيقول مستعد للثورة الجديدة وخدوني معاكم ؟
يالا شدوا الهمة وخلوا شعاركم إلى رضا ربي وصحبة نبيه صل الله عليه وسلم لن يسبقني أحد
.... منقوووول ....